Линктер

ЧУКУЛ КАБАР!
9-Май, 2021 жекшемби, Бишкек убактысы 22:52

Түркияда кыздарды саткан деп шек саналган кыргызстандык аял кармалды


Иллюстрация.

Бул тууралуу мамлекеттик «Анадолу» агенттиги маалымат таратты.

10-декабрда Түркиянын Бурдур шаарында массаж салонуна полиция кызматкерлери атайын операция менен кирген. Мындан кийин сойкулукка мажбурланганы айтылган ондогон чет өлкөлүк кыз-келиндер куткарылганы жазылган.

Бул окуя боюнча Бурдур ички иштер бөлүмү кылмыш ишин козгоп, кыргызстандык аял жана түрк жараны кармалган. Атайын операцияда куткарылган чет өлкөлүк кыз-келиндер өз мекенине депортацияланат.

Түркиянын Жазык кодексинин «Киши сатуу» беренеси боюнча жарандарды сойкулукка мажбурлагандар тогуз жылдан 12 жылга чейин эркинен ажыратылат.

Расмий маалымат боюнча Түркияда учурда бир миллиондон ашык чет өлкөлүк жашайт. Алардын 86 миңге жакыны гана эмгек визасы менен иштейт. Анткен менен Түркияда мыйзамсыз иштеген кыргызстандыктар жыл сайын көбөйүүдө. Ал эми 2018-жылы Түркияда 30 миңден ашык кыргызстандык катталган.

Негизинен мигрант кыз-келиндер бала багуучу, улгайган кишилерди карап баккан камкорчу болуп жана үй кызматтарында иштешет. Алардын басымдуу бөлүгү Стамбул, Анкара, Анталия сыяктуу ири шаарларда жашайт. (ElB

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG