Ошко Кытайдын ишкерлерин Фошань шаарынын вице-мэри Цяо Юй баштап келди. Көргөзмөгө жалпысынан Кытайдын 30дан ашуун өндүрүш ишканаларынын курулуш каражаттары, чайдын түрлөрү, үй бөлмөлөрүн жасалгалоо үчүн буюмдар коюлду.
Ушул жылдын 13-июнунда Бишкекте өткөн Шанхай Кызматташтык Уюмунун (ШКУ) саммитинин алдында Кытайдын төрагасы Си Цзиньпиң менен президент Сооронбай Жээнбековдун катышуусунда Ош шаарынын мэри Таалайбек Сарыбашов Кытайдын үч шаары менен боордоштук мамиле түзүү боюнча келишимге кол койгон.
Ошто Кытайдын Фошань шаарынын алгачкы жолу уюштурулуп жаткан көргөзмөсү 22-декабрга чейин уланат. (MdN)
