Линктер

ЧУКУЛ КАБАР!
5-Декабрь, 2021 жекшемби, Бишкек убактысы 17:10

Ала-Буканын айрым айылдарында кыргыз каналдары тартпай жатат


Кош-Болот айылындагы үй-бүлөлөрдүн бири.

Райондун Кош-Болот айылында жакынкы эки айдан бери кыргыз телекөрсөтүүлөрү көрсөтпөй жатканын жергиликтүү тургундар “Азаттык” радиосуна билдиришти. Учурда айылдыктар Өзбекстандын жана Орусиянын гана каналдарын көрүп жатканын айтышууда.

- Өзбекстандын 20га чукул каналы тартат. Балдар азыр такай өзбек тилиндеги мультфильм жана кинотасмаларды көрүп, тилдери бурула баштады. Телевизордон бат-баттан каналдарды издегенибиз менен кыргыз каналдары тартпай жатат, – деди жергиликтүү тургундардын бири.

Кош-Болот айылынын башчысы Сейитбек Шабданов да кыргыз каналдарын көрүү акыркы учурда кыйын болуп жатканын кошумчалады.

- Айылдын борборунда Кыргызстандын жети-сегиз каналы тартат. Бирок соңку кездери толкун жакшы кармабай, улам жоголуп кетүүдө. Ошол себептен айылдыктардын айтып жатканы туура маселе, – деди Шабданов.

Кош-Болот айылында 1100дөн ашык адам жашайт. Ала-Бука районуна караган айыл Өзбекстандын Чуст району менен чектешет. (RsK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG