Линктер

ЧУКУЛ КАБАР!
8-Декабрь, 2021 шаршемби, Бишкек убактысы 04:30

Бекназаров: малай тилиндеги 200 сөздү бир айда жаттап алам


Азимбек Бекназаров.

Кыргызстандын Малайзиядагы элчиси кызматына талапкер Азимбек Бекназаров элчи болуп дайындалса Малайзия менен мамилени жакшыртып, инвестиция тартууну пландап жатканын билдирди. Саясатчы бул үчүн чет тилди билүү маанилүү эмес экенин, бирок малай тилин өздөштүрүүгө аракет кыларын айтты.

- Тилди билүү маанилүү деле эмес. Мамлекеттик тилди билесиңби, Кыргызстанды сүйөсүңбү - ошол маанилүү. Ал эми элчилик ишиндеги эки жүз сөздү 2-5-класстын балдары деле жаттап алат. Малайзияга барсам малай тилиндеги 200 сөздү бир айдын ичинде жаттап алыш колдон келет, - деди Бекназаров.

Жогорку Кеңештин Эл аралык иштер, коргоо жана коопсуздук боюнча комитети 17-декабрдагы жабык жыйынында Малайзиядагы элчиликке Азимбек Бекназаровдун талапкерлигин жактырды.

Бекназаров буга чейин баш прокурор, Жогорку Кеңештин депутаты, Убактылуу Өкмөттө вице-премьер-министр болуп иштеген. (BTo/BkA)

Пикирлерди көрүңүз (17)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG