Өзгөчө кырдаалдар министрлиги берген маалыматка караганда, көмүр шахтасында калган адамдын сөөгү 24-декабрда кечинде табылып, жакындарына тапшырылды.
23-декабрда Ноокат районунун Баглан айылындагы көмүр кенин суу каптаган. Анын айынан Кызыл-Кыя шаарынын 25 жаштагы тургуну суу астында калган.
Шахтадагы башка жумушчулар качып чыгууга үлгүргөн. Учурда шахтадагы техникалык коопсуздук боюнча милиция териштирүү ишин жүргүзүп жатат. (MdN)