Линктер

ЧУКУЛ КАБАР!
11-Май, 2021 шейшемби, Бишкек убактысы 05:16

Ноокенде Жаңы жыл түнү милиция кызматкери бычакталды


Иллюстрациялык сүрөт.

Жалал-Абад облусунун Ноокен райондук ички иштер бөлүмүнүн жол кыймылынын коопсуздугун камсыздоо кызматкери Майрамбек Абылов 1-январдын таңында бычакталып, ооруканага жетпей үзүлүп кетти.

Облустук милициянын басма сөз кызматынан «Азаттыкка» билдиргендей, милициянын сержанты Абылов Ноокен районунун Арал айылына топ балдардын мушташына тааныштарынын чакыруусу менен барган учурда бычакталган.

Окуяга байланыштуу Жазык кодексинин «Киши өлтүрүү» беренеси боюнча кылмыш иши козголуп, шектүү катары Базар-Коргон районунун 26 жаштагы тургуну кармалды. Учурда тергөө амалдары жүрүп жатат.

Эки баланын атасы, 31 жаштагы Майрамбек Абылов 2013-жылдан бери ички иштер кызматында иштеп келаткан. 30-декабрда ал нөөмөттө болуп, 31-декабрда эс алууга чыккан. Милициянын маалыматы боюнча, Абылов окуя болгон жерге милиция кызматкери катары өз милдетин аткаруу үчүн барган. (RsK)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG