Линктер

ЧУКУЛ КАБАР!
8-Май, 2021 ишемби, Бишкек убактысы 19:26

Орусия Беларуска чийки мунай жөнөтпөй калды


Иллюстрация

Орусия 1-январдан тарта Беларус нефти заводдорун чийки мунай менен камсыздоону токтотту. Бул маалыматты Беларустун түндүгүндөгү Новополоцк шаарында жайгашкан мунай иштетүүчү заводдун өкүлдөрү "Азаттык" радиосуна ырасташты.

Алардын айтымында, учурда Беларустагы заводдор өткөн жылы жеткирилген чийки мунайды иштетип жатышат.

Орусиянын мунай өткөрүү системасын тейлеген "Транснефть" ишканасы Беларуска мунай жөнөтүү тапшырмасы жок экенин, бирок Беларус аркылуу башка өлкөлөргө мунай үзгүлтүксүз берилип жатканын билдирди.

Москва менен Минскинин ортосундагы мунай келишиминин мөөнөтү 1-январда аяктаган. Эки тарап жаңы макулдашуу боюнча мунаса таба алган эмес.

Адистердин айтымында, Беларус бийлиги Орусиядан импорттолгон чийки мунайдын баасын арзандатууну талап кылып, болбосо башка жолдорду караштыра турганын билдирип келет. Москва болсо Минскинин талабына көнбөй жатат.

Кремлдин басма сөз катчысы Дмитрий Песков мунай маселесинде эки өлкө макулдаша албай жатканын ырастап, бирок сүйлөшүүлөр улана турганын айтты.

Беларус Советтер Союзу ыдырагандан бери экономикасын кармап туруу үчүн Москванын арзан мунайы менен субсидияларына муктаж.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG