Линктер

ЧУКУЛ КАБАР!
7-Май, 2021 жума, Бишкек убактысы 11:26

Трамп: Сулеймани согушту токтотуш үчүн өлтүрүлдү


Касем Сулейманинин сүрөтү. 03.01.2020

АКШ президенти Дональд Трамп америкалык аскерлер Ирандын элиталык атайын аскер бөлүгүнүн башчысы Касем Сулейманини “Согуш башташ үчүн эмес, согушту токтотуш үчүн” өлтүргөнүн билдирди.

Бул тууралуу Трамп 3-январда журналисттердин суроолоруна жооп берип жатып айтты.

Пентагондун расмий маалыматына караганда, генерал Касем Сулеймани жума күнү Багдад шаарында Трамптын буйругу боюнча авиасокку менен өлтүрүлдү.

Ирандын жогорку лидери Аятолла Хаменеи таасирдүү командирди өлтүргөндөрдү "кылмышкер" деп атап, аларга "жооп кайтарыла турганын" эскертти.

Ал АКШнын соңку кадамы иран элин Вашингтондун саясатына каршы турууга "эки эсе шыктандырарын" баса белгиледи.

Сулеймани Иран бийлигине караштуу атайын даярдыктагы "Кудс" бөлүгүнүн командири болгон. Бул уюм чет өлкөлөрдө жашыруун аскердик операцияларды уюштуруу менен алектенет жана соңку 20 жылда Жакынкы Чыгыштагы таасирдүү оюнчу болгон. Генерал Ирак жана Сириядагы согуштардын "башкы архитектору" деп саналчу. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG