Линктер

ЧУКУЛ КАБАР!
7-Декабрь, 2021 шейшемби, Бишкек убактысы 04:00

ИИМ: Кой-Таш окуясы боюнча шектүүлөрдүн мүлкү камакка коюлду


Кой-Таш. 2019-жылдын август айы.

Кой-Таш окуясы боюнча шектүүлөрдүн мүлкү камакка коюлду. Бул тууралуу 5-январда Ички иштер министрлиги кабарлады.

Мекеменин басма сөз кызматы тараткан билдирүүдө шектүүлөрдүн туугандарынын мүлкүнө карата эч кандай чечим кабыл алынбаганы айтылат.

«2019-жылдын 7-8-август күндөрү болгон окуя боюнча сотко чейинки өндүрүштүн алкагында мамлекетке жана жарандарга келтирилген чыгымдын ордун толтурууну камсыз кылуу максатында Жазык-процессуалдык кодекстин 123-беренесинин негизинде жана Мамлекеттик каттоо кызматы берген маалыматка ылайык оор жана өзгөчө оор кылмыш боюнча шек саналгандардын мүлкү камакка алынды. Ал эми шектүүлөрдүн туугандарынын мүлкү камакка коюлган эмес», деп билдирди ИИМ.

Былтыр 7-8-августта Улуттук коопсуздук боюнча мамлекеттик комитет (УКМК) жана Ички иштер министрлиги (ИИМ) Чүйдүн Кой-Таш айылында мурдагы президент Алмазбек Атамбаевди кармоо операциясын жүргүзгөн. Анда бир офицер курман болуп, 200дөй адам жабыркаган.

Кой-Таш окуясы боюнча 39 факт менен сотко чейинки өндүрүш жүрүп жатат.

Атамбаевге жана анын айрым тарапташтарына айып коюлуп, камакка алынган. Кээ бирлери үй камагында. (RK)

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG