Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 20:16

Өзбекстан Тажикстан менен чек арасын минадан тазалап бүттү


Иллюстрациялык сүрөт.

Өзбекстан Тажикстан менен чек арасын минадан тазалап бүттү. Бул тууралуу «Азаттык» радиосунун өзбек кызматы «Asia-Plus» маалымат сайтына таянып жазды.

Минадан тазалоо иштерин өзбек тарап өз каражатына жана өз күчү менен жүргүзгөнү кабарланды.

Өзбек президенти Шавкат Мирзиёев 2018-жылы Тажикстанга алгачкы мамлекеттик сапар менен барганда эки өлкө 2019-жылдын аягына чейин жалпы чек ара тилкесин минадан тазалоону макулдашкан.

Өзбекстан Тажикстан менен чектешкен тилкедеги тоолуу аймактарына өткөн кылымдын 90-жылдарынын акырында мина койгон. Расмий Ташкент муну өз аймагына «Өзбекстандын ислам кыймылы» уюмунун согушкерлерин өткөрбөө аракети менен түшүндүргөн.

Тажикстандын Мина маселелери боюнча улуттук борборунун маалыматына караганда, соңку 20 жыл ичинде 800дөн ашуун тажик жараны минадан жабыркады. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG