Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 03:10

Улуттук банктын алтын-валюталык резерви 2 млрд. 417 млн. долларды түздү


Улуттук банктын төрагасы Толкунбек Абдыгулов президент Сооронбай Жээнбеков менен жолугушууда.

Кыргызстандын Улуттук банкынын алтын-валюталык резерви 2 миллиард 417 миллион долларды түздү. Бул акыркы беш жылдагы эң жогорку көрсөткүч. Бул тууралуу Улуттук банктын төрагасы Толкунбек Абдыгулов президент Сооронбай Жээнбеков менен жолугушууда билдиргенин өлкө башчысынын басма сөз кызматы кабарлады.

Маалыматка ылайык, жолугушууда Абдыгулов Улуттук банктын буга чейинки ишинин жыйынтыгы жана пландар жөнүндө маалымат берген. Абдыгуловдун айтымында, акыркы жылы өлкөдөгү банк системасынын активдери 25 миллиард сомго же 11% көбөйгөн.

Улуттук банктын башчысы «Керемет» банкы аркылуу бюджеттик кызматкерлерге 1 миллиард 54 миллион сомго турак жай алуу үчүн насыя бергенин кошумчалады.

Сооронбай Жээнбеков төлөм системаларын, санариптик валютаны жөнгө салуу жаатында мыйзамдарды жакшыртууну жана финансы тармагында заманбап технологияларды киргизүүнү тапшырган. (BKA)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG