Линктер

ЧУКУЛ КАБАР!
10-Май, 2021 дүйшөмбү, Бишкек убактысы 05:15

Косоводо Сулейманини мактаган аял кармалды


Иллюстрациялык сүрөт.

Косово полициясы чакан шиит жамаатынын жетекчиси, Призрен шаарынын тургунун кармады. Анын алдында Икбал Худути-Бериша ирандык генерал Касем Сулейманини кубаттап «Фейсбукка» пост жазган. Полициянын өкүлү ал 7-январда кармалганын, сот бөгөт чарасын карай турганын билдирди. Бирок эмне себептен кармалганын тактаган жок.

Худути-Бериша АКШнын Сулейманини өлтүрүшүн сындап, маркумду «улуу инсан» деп сыпаттаган. Ирандын тандалма «Кудс» күчтөрүнүн командачысы 3-январда Багдадда америкалык дрондун соккусунан мүрт кеткен.

Косовонун президенти Хашим Тачи жана премьер-министр Рамуш Харадинаж АКШнын ал кадамын колдошкон.

«АКШнын Ирандын Жакынкы Чыгыштагы аракеттерине кылган реакциясын колдойм. Тегерандын андай аракеттери терроризмдин жайлышына, туруктуулуктун бузулушуна алып келген», - деп жазган Тачи «Твиттерге».

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG