Паспорт индекси боюнча 2020-жылга карата жарыяланган дүйнөлүк рейтингге ылайык, кыргыз паспорту мүмкүнчүлүгү жагынан 80-орунду ээледи.
Маалыматта кыргызстандыктар 63 мамлекетке визасыз бара алары же визаны жеринде барып алса болору айтылат.
«Henley & Partners» эл аралык колсалтинг компаниясы жыл сайын чыгарчу индексте Кыргызстан бир жыл мурунку позициясынан төрт тепкич артка кетти.
Бул жыл Кыргызстан менен бир катарда Марокко жана Сьерра-Леоне мамлекеттери турат.
Рейтингде Казакстан 67-орунду ээлеп, Борбор Азияда сап башында. Тажикстан 84, Өзбекстан 85, Түркмөнстан 90-катарда.
Рейтингде биринчи орунда Жапония турат. Бул мамлекеттин жарандары 191 мамлекетке түз бара алышат. Сингапур экинчи, Германия менен Түштүк Корея үчүнчү тепкичте.
АКШ сегизинчи, Орусия 51, Кытай 71-орунда.
Эң алсыз паспорт Ооганстанга таандык. Бул өлкөнүн жарандары 26 мамлекетке гана визасы жок барса болот. Анын алдында Ирак жана Сирия турат.
Рейтингге 159 мамлекет киргизилген. (SE)
