Линктер

ЧУКУЛ КАБАР!
11-Май, 2021 шейшемби, Бишкек убактысы 04:19

Кыргызстандын мугалимдери эл аралык сынакта үч медаль утту


Сынакта медаль алган Кыргызстандын мугалимдери.

Математика, физика жана информатика боюнча мугалимдердин жана олимпиадалык резервдин машыктыруучуларынын II Эл аралык «IMPACT Olympiad» ачык чыгармачылык конкурсунда кыргызстандык мугалимдер үч медаль утушту.

Кыргызстандын Билим берүү жана илим министрлиги тараткан маалыматка ылайык, сынак 8-январдан 12-январга чейин Казакстандын Алматы шаарында өттү. Конкурска КМШ мамлекеттеринин математика, физика жана информатика мугалимдери катышты.

Төрт мугалимден түзүлгөн Кыргызстандын командасынан Бишкектеги Чыңгыз Айтматов лицейинин математика мугалими Азамат Аскаров коло медаль алса, ушул элек мектептин информатика мугалими Кылычбек Ураимов алтын медаль утту. Мындан сырткары Бишкектеги «Келечек» MIT мектебинин математика мугалими Махамадхан Ишматов күмүш байге алды.

Мугалимдердин жана машыктыруучулардын «IMPACT Olympiad» чыгармачылык конкурсу 2019-жылдын январь айынан бери уюштурулуп келет. Конкурстун максаты – таланттуу, кесипкөй, чыгармачылык менен иштеген мугалимдерди колдоо. (BTo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG