Линктер

ЧУКУЛ КАБАР!
шаршемби, 26-февраль, 2020 Бишкек убактысы 06:54

Пермде ысык суу түтүгү жарылганда беш киши өлдү


Кырсык болгон жер. Пермь, 20-январь, 2020-жыл.

Орусиянын Пермь шаарындагы мейманканада ысык суу түтүгү жарылганда беш киши каза тапты. Бул тууралуу өлкөнүн Өзгөчө кырдаалдар министрлиги кабарлады.

«Интерфакс» өлгөндөрдүн арасында жашы жете элек бир бала бар экенин жазып жатат. Бардык жабыркагандар ооруканаларга жеткирилди. Алардын абалы оор деп бааланууда.

Кырсык дүйшөмбү күнү эртең менен ылдыйкы кабатында чакан менчик мейманкана орун алган турак жайда болгон. Күбөлөр ысык суу кошуна көчөлөргө чейин жеткенин айтып беришти.

Үйдүн тургундары көчүрүлгөн жок. Бирок электр жарыгы өчүрүлдү. Адамдардын өлүмү боюнча кылмыш иши козголду.

Пикирлерди көрүңүз (1)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG