Мамлекеттик чек ара кызматынын Ош облусу боюнча өкүлчүлүгү Кытайдын Улуттук-боштондук армиясынын Шинжаң уйгур автономиялык району боюнча чек ара өкүлчүлүгүнүн аппараты менен жолугушту. Бул тууралуу «Азаттыкка» чек ара кызматынын басма сөз кызматы билдирди. Анда 2019-жылдагы кыргыз-кытай чек арасын чогуу кайтаруунун жыйынтыгын чыгарып, 2020-жылга чек ара кайтаруунун планын бекитилди. Жолугушуу «Эркечтам» өткөрмө бекетинин Кытай тарабында Симкана деп аталган жерде өттү.
Тараптар мамлекеттик чек араны кайтаруунун натыйжалуулугун арттыруу боюнча иш-чараларды карап, чек ара аймагын чогуу кайтарууну жана укук бузуу фактыларынын алдын алууда бирге аракеттенүүнү макулдашты.
2019-жылы кыргыз-кытай чектеш аймагында чек ара режими бузулган үч факты катталган. (ZKo/MdN)
