Бишкек-Ош жолундагы кыймыл убактылуу чектөө алынды. Бул тууралуу Өзгөчө кырдаалдар министрлиги кабарлады.
Мекеменин маалыматына караганда, 22-январь күнү саат 07:00дө Жайыл районунун «Сосновка» жана саат 08:00дө Токтогул районунун «Арал» постторунда коюлган убактылуу чектөө алынды.
Бишкек-Ош унаа жолунда унаа кырсыктарын, тыгындарды алдын алуу жана болтурбоо максатында 21-январда саат 17:00дөн тартып бул эки постто күйүүчү май ташыган оор жүк ташуучу автоунааларга убактылуу чектөө киргизилген. (RK)