Линктер

ЧУКУЛ КАБАР!
27-Ноябрь, 2021 ишемби, Бишкек убактысы 21:25

Үрүмчүдөн учуп келгендер аэропорттон текшерилип жатат


«Манас» аэропорту.

Кыргызстан Кытайда тарап жаткан жаңы вируска каршы туруу боюнча аракеттерди баштады.

«Манас» аэропортунда Саламаттык сактоо министрлигине караштуу санитардык-карантиндик пункттун кызматкерлери Үрүмчүдөн учуп келгендерди текшерип жатканын мекеменин басма сөз катчысы Алия Курбанова «Азаттык» радиосуна кабарлады.

Курбанованын айтымында, Үрүмчү-Бишкек-Үрүмчү багыты боюнча учак күн сайын каттап турат. Каттамдарды кытайлык авиакомпания жүргүзөт.

Кытайда Жаңы жыл майрамы белгиленип жатканына байланыштуу 23-январдан 1-февралга чейин каттамдар убактылуу токтойт.

Соңку эки суткада Кытайда коронавирусту жуктуруп алган 139 адам катталды. Алардын көбү Ухань шаарында. Бүгүн 22-январда ооругандар АКШда да катталды.

Вируска кабылгандардын жалпы саны 200гө чамалады. Төрт адам каза болду. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG