Тажикстанда тыюу салынган «Мусулман агайындар» кыймылынын мүчөсү деген шек менен баш-аягы 113 киши кармалды. Бул тууралуу өлкөнүн башкы прокурору Юсуф Рахмон 28-январда Дүйшөмбүдө өткөн басма сөз жыйынында билдирди.
Анын айтымында, кармалгандардын арасында жогорку окуу жайларынын 20 окутуучусу менен кызматкерлери, ошондой эле Исфара шаардык аткаруу бийлигинин өкүлдөрү да бар.
- Алардын баарына кылмыш иштери козголду. Булардын максаты Тажикстанда бийликти күч менен кулатуу жана көп өлкөлөрдө террордук жана экстремисттик топ катары тыюу салынган «Ислам мамлекети» уюмун түптөө болгон, - деди Рахмон.
Тажикстанда «Мусулман агайыңдар» кыймылынын мүчөсү деген шек менен адамдарды кармоо январдын башында башталган. Өлкөдө бул кыймылдын ишмердигине 2006-жылы тыюу салынган.
«Мусулман агайыңдар» - 1928-жылы Египетте түптөлгөн, исламдын суннит багытын карманган диний уюм.
