Кыргызстандыктарды быйыл ажылык сапарга «Flaynas» авиакомпаниясы ташыйт. Бул тууралуу Кыргызстан мусулмандар дин башкармалыгынын басма сөз кызматы билдирди.
Муфтият тараткан маалымат боюнча, кыргызстандыктарды 2020-жылдагы ажылык сапарга ташуу үчүн сынак өтүп, ажылыкты уюштуруу боюнча республикалык штаб «Flaynas» авиакомпаниясын тандап алды. Жыйынтыгында аталган компаниянын авиабилети былтыркыдай эле 1550 доллар болду.
Сауд Арабиясы ажылык сапар үчүн Кыргызстанга бөлгөн квотаны жыл сайын көбөйтүп жатат. 2019-жылы 5510 квота берилсе, быйыл 6110 орун бөлүндү. (BTo)
