Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 21:48

Баткен мамлекеттик университетинин ректоруна сөгүш берилди


Баткен шаары.

Буга аталган окуу жайында жана анын филиалдарында жылуулук системасы иштебегени, студенттерге жетиштүү шарт түзүлбөгөнү, окуу жайынын эскирген материалдык-техникалык базасы жаңыланбаганы негиз болгон. Буга байланыштуу Эмгек кодексинин 146-беренесине ылайык, Баткен мамлекеттик университетинин ректору Абдувап Зулпуевге сөгүш берилгенин Билим берүү жана илим министрлигинин басма сөз кызматы маалымдады.

Мындан тышкары аталган чечимге окуу жайында окутуучулар курамынын сапаты талапка жооп бербей, билим берүүнүн натыйжалуулугун арттырыш үчүн AVN маалыматтык системасын толук киргизилбегени себеп болгону айтылат. Министрликтин маалыматына караганда кесиптик жогорку билим берүүнүн чегинде бири-бирин кайталаган институттар түзүлгөнү да ректордун ишинин кемчилиги катары таанылган.

Маалыматта айтылгандай, БатМУда күндүзгү бөлүмдө окуган студенттердин саны сырттан окугандардан кыйла аздык кылат.

Былтыр 18-ноябрда Баткен мамлекеттик университетинин (БатМУ) Кызыл-Кыя педагогикалык институтунун студенттери нааразылыгын билдирип, сабакка кирүүдөн баш тартышкан.

БатМУда 5064 студент бар. Окутуучулардын саны – 167 киши. Университетке караштуу кесиптик орто билим берүү багыттары боюнча 1771 студент билим алат. Университет 2000-жылы түзүлгөн. (ZKo)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG