Орус мунайынын баасын талкуулаш үчүн бул аптада беларус президенти Александр Лукашенко орус президенти Владимир Путин менен жолугат. Бул тууралуу Кремлдин басма сөз катчысы Дмитрий Песков кабарлады.
Буга чейин беларус лидери Лукашенко «Орусия Беларусту жутуп алууга аракет кылып жатканын, бирок ага жол берилбей турганын» айткан.
Москва жана Минск бирдиктүү мамлекет түзүү тууралуу 1999-жылы макулдашууга кол коюшкан. Бирок акыркы 20 жыл ичинде Орусия менен Беларустун мамилелери жакындагандын ордуна жыл өткөн сайын муздап баратат. Беларус 1991-жылга чейин ССРдин курамында болгон.
