Линктер

ЧУКУЛ КАБАР!
5-Декабрь, 2021 жекшемби, Бишкек убактысы 20:03

Кулматов менен Ибраимовдун иши шаардык сотто карала баштайт


Иллюстрациялык сүрөт.

Бишкек шаардык соту мурдагы мэрлер Албек Ибраимов жана Кубанычбек Кулматов боюнча ишти 7-февралда карай баштайт. Бул тууралуу «Азаттыкка» алардын жактоочусу Сергей Слесарев билдирди.

Адвокаттын айтымында, апелляциялык арыз менен шаардык сотко мамлекеттик айыптоочу тарап да, соттолуучулар да кайрылган.

«Мен ал өкүм негизсиз жана мыйзамсыз экенине толук ишенем. Эч ким эч нерсе уурдаган, алган эмес. Мындай айыптоо сотто далил тапкан жок», - деди Слесарев.

2019-жылдын 23-декабрында Бишкектин Ленин райондук соту Ибраимовду 15 жылга кесип, Кулматовду 5 миллион сом айып пул төлөөгө милдеттендирип, абактан үй камагына бошоткон.

Алар «Бишкектин четиндеги Калыс-Ордо конушунда мектепти курууга кеткен эки миллион долларды пайдаланууда жемкорлукка барган» деп айыпталган.

Экөө тең 2018-жылдын жайынан бери Улуттук коопсуздук боюнча мамлекеттик комитеттин (УКМК) тергөө абагында отурган. Алар күнөөсү жок экенин, мурдагы президент Алмазбек Атамбаевге жакын мамиледе болгону үчүн саясий куугунтукка кабылганын айтып жүрүшөт. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG