Линктер

ЧУКУЛ КАБАР!
25-Сентябрь, 2021 ишемби, Бишкек убактысы 00:20

Кыргыз өкмөтү үй-бүлөлүк зомбулуктун алдын алуу планын бекитти


Өкмөт Аялдар иштери жана гендердик өнүгүү боюнча улуттук кеңештин жыйынынын чечимин аткарыш үчүн атайын план бекитти. Ал планда үй-бүлөлүк зомбулуктун алдын алууга байланыштуу иш-чаралар жазылган. Бул тууралуу өкмөттүн басма сөз кызматы маалымдады.

Ички иштер министрлигинин (ИИМ) маалыматы боюнча, 2019-жылы Кыргызстанда 6145 үй-бүлөлүк зомбулук катталган. Анын ичинен 5752 аялга, 393 эркекке жана 168 жашы жете элек балага коргоо ордерлери берилген.

2020-жылдын январь айында өлкөдө үй-бүлөлүк зомбулуктан эки аял каза тапты. 1-январда Кочкор районунда 37 жаштагы аял, 3-январда Баткенде 26 жаштагы келин күйөөсүнүн ур-токмогунан ажал тапкан. Учурда бул эки кылмыш үчүн шек саналгандар кармалып, сотко чейинки тергөө иштери уланууда.

4-январда Каракол шаарында аялына бензин чачып өрттөгөн эркек кармалган. Азыр анын 33 жаштагы аялы ооруканада дарыланууда. Көп өтпөй Жалал-Абад облусунун Сузак районунда 34 жаштагы келин күйөөсүнөн токмок жеп ооруканага түштү.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG