Линктер

ЧУКУЛ КАБАР!
7-Декабрь, 2021 шейшемби, Бишкек убактысы 16:27

Транспорт министринин орун басары Ногойбаев пара берүүгө шек саналып кармалды


Транспорт министринин орун басары Жеңишбек Ногойбаевди кармоо учуру. УКМК тараткан сүрөт.

Кыргызстандын транспорт жана жолдор министринин орун басары Жеңишбек Ногойбаев жана министрликке караштуу Автомобиль, суу транспорту жана салмак габаритти контролдоо агенттигинин башчысы Анарбек Бекмуратов Улуттук коопсуздук комитетинин Коррупцияга каршы кызматынын кызматкерлерине 10 миң доллар пара берип жаткан жеринен кармалды.

Бул тууралуу УКМКнын Коррупцияга каршы кызматынан кабарлашты.

Аталган кызмат тараткан маалыматта кармалгандардын аты-жөнү “Н.Ж” жана "Б.А" деп көрсөтүлгөн.

Ал эми Транспорт министрлигинин сайтындагы маалыматка ылайык, ээлеген кызматы боюнча Жеңишбек Ногойбаев жана Анарбек Бекмуратовдун аты-жөнүнө туура келет.

Маалыматка ылайык, министрдин орун басары коопсуздук кызматкерлерине мурда сотко чейинки өндүрүшкө фигурант катары катталган министрликтин кызматкерлеринин кылмыш ишин токтотуу максатында пара берип жатканда колго түшкөн.

Ошол эле күнү бул ишке Автомобиль, суу транспорту жана салмак габаритти контролдоо агенттигинин башчысы Анарбек Бекмуратов да катышы бар экени аныкталып кармалган.

Учурда кармалгандар УКМКнын Тергөө абагына камакка алынды. Бул иш Кылмыш кодексининин 328-беренесинин 3-бөлүмү (Пара берүү) боюнча Кылмыштардын жана жоруктардын бирдиктүү реестрине катталып, тергөө башталды.

Ал эми Транспорт министрлигинин жетекчилиги комментарий бере элек.(BkA)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG