Линктер

ЧУКУЛ КАБАР!
7-Май, 2021 жума, Бишкек убактысы 21:20

ЕАЭБге кошулуу боюнча Өзбекстандан расмий арыз түшө элек


Бул тууралуу «Россия сегодня» агенттигине Орусиянын тышкы иштер министринин орун басары Александр Панкин билдирди. Анын айтымында, Ташкентте айрым ишкерлер ЕАЭБге кошулуунун пайдалуу жактарын белгилеп келишет.

"Өзбекстандык өнөктөштөр биз менен байланышкан учурда Өзбекстандын ЕАЭБге кошулушу талашсыз түрдө пайдалуу экенин тастыкташууда: товарлардын бирдиктүү рыногуна, жумуш күчүнө, кызмат көрсөтүүгө жана капиталга жол ачылат, мындан тышкары биримдиктин технологиялык, транзиттик-транспорттук жана инвестициялык дарамети бар," –деген дипломат.

Өзбекстан президенти Шавкат Мирзиёев январдын аягында өлкө ЕАЭБде байкоочу макамын алууга даяр экенин билдирген. Александр Панкин бул кадам Өзбекстандын уюмдун толук кандуу мүчөсү болушуна жол ачат деп эсептейт.

Өзбекстандын ЕАЭБге кошулуу ыктымалдуулугу өзбек коомчулугу арасында кызуу талкуу жаратууда. Ташкентте ЕАЭБдин катарынан орун алуу эгемендикке коркунуч алып келиши мүмкүн деп эсептегендер да бар.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG