Бул тууралуу жарлыкка 10-февралда премьер-министр Мухаммедкалый Абылгазиев кол койду. Жаңы жетекчи фонддун эмгек жамаатына 10-февралда тааныштырылды.
Азиз Аалиев 2019-жылдын июль айынан тарта фонддун башкармалык мүчөсү болуп турган. Ага чейин өкмөттүн финансы жана насыя саясаты бөлүмүн жетектеген.
Орус-кыргыз өнүктүрүү фондунун мурдагы жетекчиси Эркин Асрандиев өткөн жумада вице-премьер-министр кызматына дайындалган. Өкмөт башчы анын талапкерлигин парламентте сунуштап жатып, Асрандиев экономика, инвестиция жана ЕАЭБдеги иштерди жөнгө салат деген ишеничин билдирген. (ZKo)
