Линктер

ЧУКУЛ КАБАР!
шейшемби, 25-февраль, 2020 Бишкек убактысы 12:41

Активисттер тобу Ошто коркутуу болгонун айтып чыкты


Улан Үсөйүн.

Ошто жарандык активисттер коркутууга туш болуп жатканын айтып чыгышты. Бул тууралуу активист Улан Үсөйүн «Азаттыкка» билдирди. Анын айтымында, 13-февралдын кечинде аялдардын коштоосунда келген олбурлуу жигиттер активисттер тобунун Оштон чыгып кетишин талап кылышкан.

«Иш-чара өтүп жаткан жерге келип, «эркексиңби, жүр, чык эшикке» дей башташты. Анан колдон сүйрөй баштады. Телефонго тарта баштасам жулуп алганга аракет кылышты», - деди ал.

Ош шаарына активисттер Улан Үсөйүн, Данияр Аманалиев жана Азизбек Ашуров «Валить нельзя остаться» аттуу семинар өткөргөнү барышкан. Алар аймактардагы жаштар арасында шыктандыруучу семинарларды ырааттуу өтүп жүрүшөт.

Улан Үсөйүн акыркы окуя боюнча милицияга арыз жазганы жатканын кошумчалады. Ал - Бишкекте коррупцияга каршы митингдерди уюштуруп жүргөн активисттердин бири.

Пикирлерди көрүңүз (24)

XS
SM
MD
LG