Линктер

ЧУКУЛ КАБАР!
жекшемби, 23-февраль, 2020 Бишкек убактысы 10:01

Сербия жана Косово ортодогу темир жолду калыбына келтирет


Келишимге кол коюу аземи. Мюнхен, 14-февраль 2020-жыл

Сербия жана Косовонун жетекчилери Белград менен Приштина ортосундагы темир жолду калыбына келтирүү жөнүндөгү келишимге кол коюшту.

Кол коюу аземи Мюнхенде коопсуздук конференциясы башталардын алдында 14-февралда өттү. Ага эки өлкөнүн президенттери Александр Вучич менен Хашим Тачи, АКШнын Сербия жана Косово боюнча атайын чабарманы Ричард Гренелл катышты.

Өткөн айда тараптар 1998-99-жылкы куралдуу жаңжал күчөгөндө токтотулган коммерциялык учууларды жандандыруу тууралуу макулдашкан. Белград 2008-жылы көз карандысыздыгын жарыялаган Косовону өз провинциясы катары эсептейт. Жаңы өлкөнүн эгемендигин 100дөй мамлекет тааныган.

Дипломатиялык алакаларды жөнгө салуу боюнча сүйлөшүүлөр 2018-жылы Приштина сербиялык товарларга жана кызматтарга 100 проценттик тариф киргизгенде үзгүлтүккө учураган. Бул кадам Сербия бийлигинин Косовонун көз карандысыздыгын тааныган айрым өлөлөрдү баштапкы чечимдерин өзгөрттүрүү аракетинен улам кабыл алынган.

Пикирлерди көрүңүз

Сунуш кылынган арга.

XS
SM
MD
LG