Иран менен коңшу мамлекеттер жугуштуу вируска байланыштуу коопсуздук чараларын көрүп жатышат. Сауд Арабиясы өз жарандарын Иранга барууга тыюу салды.
Иранда коронавирус жуктурган алты адам көз жумду. Бул өлкөдө жугуштуу вируска чалдыккан 28 учур катталган.
Саламаттык сактоо министрлигинин маалыматына ылайык илдетке чалдыкканы жакында эле белгилүү болгон он адамдын экөө Тегерандан, сегизи борбор калаадан 120 чакырым алыстыктагы Кум шаарында катталган. Учурда Кум шаарында диний жөрөлгөлөр үчүн чогулууга убактылуу тыюу салынды.
