Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 03:15

Казакстанда активисттин тажиясына жөнөгөн жарандар кармалууда


Тергөө абагында каза болгон активист Дулат Агадилди акыркы сапарга узатууга аттангандар. Нур-Султан, 25-февраль, 2020-жыл.

Казакстанда тергөө абагында каза болгон активист Дулат Агадилди акыркы сапарга узатууга аттангандардын арасынан кеминде алты киши кармалды. 24-февралда кармалган активист арадан бир сутка өтүп, 25-февралда тергөө абагында каза болуп калган.

Маркумдун тарапташтары активисттин өлүмүнө ИИМ жана өлкөнүн бийлиги жооптуу деп эсептешет.

Бахытбек Капаевди, Айдар жана Айдын Байсагатовдорду полиция кармап кеткенин укук коргоочу Индира Какимова 25-февралда өзүнүн «Facebook» баракчасына жазды. Какимованын билдиргени боюнча үч активист тең ошол эле күнү эч кандай айыбы угузулбай кайрадан коё берилген. Буга байланыштуу укук коргоочулар активисттердин себепсиз кармалышы боюнча прокуратурага даттанууга даярданып жатышканын билдиришти.

Укук коргоочулардын айтымында ошол эле күнү дагы төрт адам кармалып, үйдөн чыкпоо тууралуу тилкаттын негизинде коё берилген.

Алгачкы маалыматтарда Дулат Агадил жүрөк оорусунан улам каза болгон болушу мүмкун экени айтылды. Ал адам укуктарынын корголушун жана социалдык адилеттиктин камсыздалышын ачык талап кылып келген активист болчу. (YI)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG