Линктер

ЧУКУЛ КАБАР!
бейшемби, 9-апрель, 2020 Бишкек убактысы 00:01

Президент Жээнбеков: Кыргызстан орус тилинин макамын өзгөртпөйт, латын арибине өтпөйт


Сооронбай Жээнбеков.

Кыргызстандын президенти Сооронбай Жээнбеков ТАСС агенттигинин суроосуна жооп берип жатып «Орус тили расмий тил катары Конституцияда бекемделген. Ал макам калат жана өзгөртүлбөйт», - деп билдирди.

Президент ошондой эле учурда өлкөдө «латын арибине өтүү муктаждыгы жок», «латын арибине өтпөгөнүбүз туура чечим болгон» деп билдирди. Президенттин баамында республиканын маданий, илимий ийгиликтери кириллицага таянуу шартында жаралган.

Латын арибине өтүү боюнча акыркы жылдары кыргыз коомчулугунда демилге көтөрүлүп, бирок расмий колдоо тапкан эмес. Борбор Азия өлкөлөрүнүн ичинен Казакстанда, Өзбекстанда латын арибине өтүү жараяны уланып келатат.

Орус тили постсоветтик өлкөлөрдүн ичинен Кыргызстанда, Беларуста, Молдовада жана Түштүк Осетияда расмий тил деп таанылган.

27-февралда Москва шаарында Кыргызстан менен Орусиянын эриш-аркак жылынын расмий ачылышы болот. Ага катышуу үчүн Кыргызстандан президент Сооронбай Жээнбеков баштаган делегация жөнөп кетти. Буга чейин президент Сооронбай Жээнбеков президент Владимир Путин баштаган Орусиянын расмий өкүлдөрү менен жолугушары мурда кабарланган.

Пикирлерди көрүңүз (35)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG