Линктер

ЧУКУЛ КАБАР!
9-Декабрь, 2021 бейшемби, Бишкек убактысы 17:09

Коронавируска байланыштуу беш өлкөнүн жарандарына Кыргызстанга каттоого чектөө кирди


Украинада коронавируска каршы аракет

Кыргызстан коронавирус көп катталып жаткан Кытайдын, Ирандын, Италиянын, Жапониянын жана Түштүк Кореянын жарандарынын келишине убактылуу чектөө киргизди. Мындай чечим коронавирусту алдын алуу боюнча республикалык штабдын 28-февралдагы жыйынында кабыл алынганын өкмөттүн маалымат кызматы кабарлады. Чечимге ылайык аталган өлкөлөрдүн жарандары 1-марттан тарта ишке же туристтик максаттарда Кыргызстанга кире алышпайт. Ошондой эле 1-марттан тарта илдет жайылган өлкөлөрдүн жарандарына чакыруу жөнөтүүгө тыюу салынат.

Бул тизме кырдаалга жараша өзгөрүп турмакчы.

Республикалык штабдын мүчөсү, вице-премьер-министр Алтынай Өмүрбекова бул өлкө жарандарынын саламаттыгы, коронавирустун жайылышын алдын-алуу үчүн Кыргызстан колдонгон убактылуу жана аргасыз чара деп билдирди.

Саламаттык сактоо министрлиги Кыргызстандын аймагында жугуштуу илдет каттала электигин кабарлоодо.

Коронавирус же COVID-19 Кытайдын Ухань шаарында январь айында катталган. Эпидемияга байланыштуу шаар карантинге алынган. Учурда коронавируска чалдыккандардын жалпы саны 85 миңден ашты. Каза болгондордун саны 3000ге чамалады. Акыркы маалыматтарда коронавирус табылган өлкөлөр 50дөн ашканы кабарланууда. (BkA)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG