Бишкекте Жибек-Жолу менен Кулиев көчөлөрүнүн кесилишинде аскерлер бараткан автоунаа жол кырсыгына кабылды. Бул тууралуу Патрулдук милициянын басма сөз кызматы билдирди.
Маалыматка караганда, 29-февраль күнү эртең менен «Зил 31» менен «Део - Колос» үлгүсүндөгү автоунаалар кагышкан. Кырсыкка кабылган автоунаада аскерлер бараткан, жабыркагандар жок. Кайгуул милициясы автокырсыкты териштирип жатат. (BTo)