Кыргызстан менен Казакстандын ортосундагы «Кең-Булуң» жана «Токмок» автожол өткөрмө бекеттеринин макамы эки тараптуудан көп тараптууга өзгөрдү.
Бул тууралуу 2-мартта Мамлекеттик чек ара кызматы кабарлады.
Мекеменин маалыматына караганда, 2-марттан тартып «Кең-Булуң» (Кыргызстан) - «Аухатты» (Казакстан) жана «Токмок» (Кыргызстан) - «Сортобе» (Казакстан) өткөрүү жайлары үчүнчү өлкөнүн жарандарын өткөрө баштады.
Эки бекет тең күнү-түнү иштеп, адамдарды, транспорт каражаттарын жана жүк өткөрүүдө.
«Токмок» бекети Токмок шаарына жакын Ю.Дунларов атындагы көпүрөнүн жанында, «Кең-Булуң» Кең-Булуң айылына жакын жайгашкан.
Эки өлкөнүн өкмөттөрүнүн ортосундагы 2003-жылдын 25-декабрындагы макулдашуусуна эки бекеттин макамын өзгөртүү тууралуу кошумча протокол 2018-жылы Нур-Султан шаарында өткөн сүйлөшүүнүн жыйынтыгында кабыл алынган. (RK)
