Линктер

ЧУКУЛ КАБАР!
16-Май, 2021 жекшемби, Бишкек убактысы 16:26

Кабулдагы кол салууда өлгөндөрдүн саны 32ге жетти


Ооганстандын борбору Кабул шаарында өкмөт башчы Абдулла Абдулла баштаган жогорку даражалуу аткаминерлер катышкан эскерүү иш-чарасындагы чабуулда бери дегенде дагы 58 адам жараат алды. Ички иштер министрлиги күч органдары "үч жоочуну атып өлтүргөнүн" кабарлады.

Ооган бийлик башчылары Кабулда Хазар азчылыгынын лидери, 1995-жылы “Талибандын” колунан өлгөн жергиликтүү шииттердин башчысы Абдул Али Мазарини эскерүү үчүн чогулушкан эле. "Талибан" кыймылы бул кол салууну уюштурганын мойнуна алган жок.

Президент Ашраф Гани "Твиттердеги" баракчасына бул окуяны "оогандардын улуттук биримдигине каршы ырайымсыз кылмыш" деп сыпаттады жана "коопсуздук күчтөрү ок чыгаргандар менен аёосуз күрөшөт" деп эскертти.

Былтыр 7-мартта Кабулда Абдул Али Мазарини эскерүү учурунда да бир канча жардыруу болгон. Ага да Абдулла Абдулла баштаган жогорку кызмат адамдары катышкан. Бул окуяда үч адам өлүп, 30дай киши жараат алган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG