Линктер

ЧУКУЛ КАБАР!
шейшемби, 31-март, 2020 Бишкек убактысы 04:15

Кытай коронавирусту дарылаш үчүн Италияга адистерди жиберүүгө даяр


Кытайлык дарыгерлер тобу. Ухань шаары. 3-март, 2020-жыл.

Тышкы иштер министри Ваң И бул тууралуу 11-мартта Италиянын тышкы иштер министри Луиджи Ди Майо менен телефон аркылуу сүйлөшүү учурунда билдирди. Ваң И мындан тышкары Италияга керектүү дары-дармек, медициналык жабдууларды жиберүүгө да даяр экенин айткан.

«Эпидемия чек араны билбейт, ал - жалпы адамзаттын душманы жана эл аралык коомчулуктан бирдиктүү чара күтөт», - деди кытайлык дипломат.
Бир күн мурда Кытайдын Кызыл чырым коому Италияга дарыгерлерди жөнөтүүнү сунуш кылган. Уюмдун маалыматына караганда, ушул тапта кытайлык дарыгерлер Иранда иштеп жатышат.

11-мартка карата берилген маалыматтарга ылайык, Италияда коронавирустан 631 адам көз жумду. 10 миңден ашуун киши вирусту жуктурган. Иранда сегиз миңден ашуун адам илдетке чалдыгып, 291 адам өлгөнү расмий кабарланды.

Пикирлерди көрүңүз

XS
SM
MD
LG