Линктер

ЧУКУЛ КАБАР!
9-Декабрь, 2021 бейшемби, Бишкек убактысы 16:51

Баткен жана Фергана облустары кызматташат


Шухрат Ганиев (солдо) жана Алишер Абдырахманов (оңдо).

Кыргызстандын Баткен облусу менен Өзбекстандын Фергана облусунун башчылары жолугушту.

Кыргыз өкмөтүнүн Баткен облусундагы ыйгарым укуктуу өкүлү Алишер Абдрахманов менен Өзбекстандын Фергана облусунун башчысы Шухрат Ганиевдин жолугушуусу 12-мартта Баткенде өттү. Фергананын башчысы алгач Алишер Абдрахмановду жаңы кызмат орду менен куттуктап, ишине ийгилик каалады. Ошондой эле ар тараптуу кызматташууга ишенич артарын билдирди.

Ал эми ыйгарым укуктуу өкүл Алишер Абдрахманов кошуна мамлекеттер менен карым-катнаштын, кызматташтык мамиленин орду өзгөчө экенин белгиледи. Ал коңшулаш Фергана облусу менен бир пикир, бир максатта чогуу иштөө ниетин билдирди. Бул тууралуу Баткен облусундагы өкүлчүлүктүн басма сөз кызматы кабарлады.

Жолугушууда тараптар кызматташтыктын келечегин талкуулап, эки элдин карым-катнашын, облус аралык социалдык-экономикалык, маданий байланыштарды чыңдоону сүйлөштү. Мындан тышкары Баткен-Фергана облустарынын жакынкы жылдарга белгиленген иш-чаралар планын иштеп чыгып, бекитүүнү макулдашты.

Облус башчылары менен кошо Баткен-Фергана облустарынын чектеш райондорунун башчылары, күч түзүмдөрүнүн жетекчилери да жолукту.

Кыргызстандын Баткен облусу менен Өзбекстандын Фергана облусунун ортосунда эки чек ара бекети бар. Алар - «Кадамжай» жана «Кызыл-Кыя» чек ара бекеттери. (JsA/ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG