Линктер

ЧУКУЛ КАБАР!
шаршемби, 1-апрель, 2020 Бишкек убактысы 04:19

Украинада алгач ирет аял киши башкы прокурор болот


Ирина Венедиктова.

Украинанын Жогорку Радасы Ирина Венедиктованы башкы прокурорлук кызматка шайлады. Анын талапкерлигин президент Владимир Зеленский 16-мартта көрсөткөн.

41 жаштагы Венедиктова былтыр Зеленскийдин «Эл кызматчысы» партиясынын катарында депутаттыкка шайланган. 2019-жылдын 27-декабрынан тартып Мамлекеттик иликтөө бюросунун жетекчисинин милдетин аткарып турду.

Венедиктова Башкы прокуратураны «кубаттуу институт» деп баалап, реформаларды күчөтүүгө убада берди.

5-мартта ишеним көрсөтпөө жолу менен Жогорку Рада Руслан Рябошапканы башпрокурорлуктан кетирген. Венедиктова сыяктуу эле Рябошапка да Зеленский президенттик шайлоо алдында элге тааныштырган командасында болчу. 2019-жылдын 29-августунда башкы прокурорлукка дайындалган.

Ошол эле учурда «коррупция үчүн айыпталган мурдагы жогорку аткаминерлерди, анын ичинде экс-президент Петр Порошенкону жоопко тартып, камабай жатат» деп Рябошапкага сын-пикир айтылып келген.

Пикирлерди көрүңүз

XS
SM
MD
LG