Линктер

ЧУКУЛ КАБАР!
2-Декабрь, 2021 бейшемби, Бишкек убактысы 19:08

Ош: Коронавирустан сактанууга шаардык бюджеттен 700 миң сом бөлүндү


Ош шаарындагы эпидемиологиялык абал тууралуу брифинг учуру. 18-март, 2020-жыл.

Бул каражат медицина кызматкерлерин тиешелүү жабдыктар менен жабдууга, дезинфекция жүргүзүүгө жана шаардагы аялуу адамдарга оорудан сактануусуна көмөктөшүү максатына сарпталат. Бул тууралуу Ош шаарынын мэри Таалайбек Сарыбашов 18-мартта журналисттерге маалымдады:

«Медицина кызматкерлерине жардам көрсөтүп жатабыз. Дезинфекция иштерине кошумча күчтөрдү тартып, шаарда зыянсыздандырууну күчөтөйүн деп жатабыз. Эң негизгиси - шаардагы мүмкүнчүлүгү чектелген пенционерлер, жетишпеген үй-бүлөөлөр болсо, маска жана медициналык жардам беребиз», - деди Сарыбашов.

Сарыбашов мындан сырткары Ош шаарындагы тойканалар жана көп орундуу кафе-ресторандар да 18-марттан тартып ишин убактылуу токтоторун кошумчалады. Ал ошондой эле катуу зарылчылык болбосо, айылдан шаарга, шаардан айылга каттаганды, конок чакырганды жана конокко барганды чектей турууга чакырды.

Ош шаардык мамлекеттик профилактикалык зыянсыздандыруу мекемеси калаадагы орто мектептерди, бала бакчаларды, мечиттерди, медреселерди, намазканаларды жана коомдук транспортту дезинфекциялоо иштерин жүргүзүп жатат.

Өткөн жылдын декабрь айында Кытайдын Ухань шаарында пайда болгон COVID-19 деп аталган, өпкөнү сезгентүүчү оору үч ай ичинде дүйнөнү каптап, 7 миңден ашуун адам оорудан көз жумду. 180 миңден ашуун киши ооруга чалдыкты.

Борбор Азия аймагындагы өлкөлөрдүн ичинен коронавирус өткөн аптанын соңунда Казакстанда жана Өзбекстанда катталган. Кыргызстанда 18-мартта Сауд Арабиясынан келген үч киши илдетти жугузганы аныкталды. (DU)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG