Линктер

ЧУКУЛ КАБАР!
14-Май, 2021 жума, Бишкек убактысы 06:37

Улуттук банк 19-мартта 3,7 млн. доллар сатты


Валютанын учурдагы абалы. Бишкек. 19-март, 2020-жыл.

Борбордук банктын сайтындагы маалыматка караганда бул - 19-мартта валюта базарына чыгарылган акчанын суммасы.

Мурдараак Улуттук банктын расмий өкүлү Аида Карабаева «Азаттыктын» «Арай көз чарай» программасында интервенцияга байланыштуу соода сессиясы 19-март күнү саат 19:00гө чейин узартылганын маалымдаган. Анын айтымында, валюталардын кымбатташы - ири экономикалык өлкөлөрдүн жана коңшулаш мамлекеттердин валюталарындагы кескин серпилүүгө байланыштуу. Ушундан улам Кыргызстандын ички валюта базарында чет элдик валюталарга суроо-талап күч алган.

19-март күнү түштөн кийин улуттук валюта доллар менен еврого карата күчүн кескин жоготту. Өлкөдөгү айрым коммерциялык банктар 1 АКШ долларын 85 сомдон, 1 еврону 95 сомдон сата башташты.

Бир нече жылдардан бери 69 сомдун айланасында туруктуу сакталып келген доллар 10-мартта кескин кымбаттаган. Улуттук банк ал күнү сомдун кунун кармаш үчүн акча базарына 53,7 млн. доллар саткан. Натыйжада 1 АКШ долларына карата 72,85 сомдук курс бүгүнкү күнгө чейин сакталып келген. Долларды улай көтөрүлгөн евро 79 сомдун айланасында сатылып жаткан. (ZKo)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG