Линктер

ЧУКУЛ КАБАР!
8-Май, 2021 ишемби, Бишкек убактысы 20:17

Өкмөт башчы: өлкөдө өзгөчө абал киргизүүнү бүгүн чечебиз


Жогорку Кеңештеги көпчүлүк коалициянын жыйынында депутат Алиярбек Абжалиев өкмөт башчыдан өлкөдө өзгөчө абал киргизүү боюнча пикирин сурады. Премьер-министр Мухаммедкалый Абылгазиев өзгөчө кырдаал жарыялоонун мыйзамдагы шарттарына токтолуп, маселе бүгүн чечилерин билдирди:

«Өзгөчө кырдаалды киргизүүдө мыйзамдын шарттары бар. Мисалы, облуска киргизиш үчүн эки райондө өзгөчө абал болушу керек. Республикага киргизиш үчүн эки облуска өзгөчө абал киргизилиши керек. Кандай формада болот, азыр чечели деп жатабыз».

Ноокат райондук администрациясынын башчысы Давранбек Маматалиевдин буйругу боюнча Ош облусунун Ноокат районуна өзгөчө кырдаал режими киргизилди. Буга чейин Жалал-Абаддын Сузак районундагы үч айылга киргизилген.

Кыргызстанда коронавирустун жаңы үч учуру катталганы 20-мартта жарыяланды. Ооруга чалдыккандар Ноокат районунда аныкталып, алар да Сауд Арабиясына умрага барып келгени белгилүү болду. Кыргызстанда коронавируска үч киши чалдыкканы тууралуу алгачкы маалымат 18-мартта чыккан. Ага ылайык, үчөө тең Сауд Арабиясына кичи ажылыкка барып, 12-мартта Шаржа-Бишкек аба каттамы менен кайтып келген. (TSh)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG