Линктер

ЧУКУЛ КАБАР!
8-Май, 2021 ишемби, Бишкек убактысы 20:44

COVID-19ду жуктурган казакстандык Түркиядан Бишкек аркылуу учуп келген


Казакстан.

Казакстанда коронавирус жуктуруп алган элүү үчүнчү жаран Түркиядан Бишкек аркылуу учуп келген. Бул тууралуу Казакстандын cаламаттык сактоо министринин расмий өкүлү Диас Ахметшарип билдирди.

Анын айтымында, 34 жаштагы адам 17-мартта Стамбул-Бишкек каттамы аркылуу Кыргызстанга келип конгон. 18-мартта Казакстандын Алматы облусундагы Каскелең аймагына автотранспорт менен өткөн.

Ал адамдын коронавирус жугузуп алганы 21-мартта аныкталды. Учурда ооруканага жаткырылып, дарыланууда.

Бул жагдай боюнча Кыргызстандагы коронавирустун алдын алуу жана жайылтпоо боюнча республикалык штаб комментарий бере элек.

Казакстанда жугуштуу илдетти жугузган 53 адам катталды. Өлкөдө өзгөчө абал жарыяланды.

Казакстандын баш калаасы Нур-Султанда коронавируска чалдыккан 28 адамдын ичинде төрт айлык ымыркай бар. Бул илдет менен ооруп жаткандардын эң улуусу 60тан ашкан. Бул тууралуу калаанын Саламаттык сактоо башкармалыгы кабарлады.(BkA)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG