Ош мэриясы шаарда такси кызматы токтотуларын кабарлады. Мэрия жүргүнчү ташып иштеген айдоочулардан үйдөн чыкпай отурууну өтүнгөн.
23-марттан тартып Ош шаарына башка райондордон жарандардын киришине убактылуу чектөө киргизилди. Шаардын мэри Таалайбек Сарыбашовдун буйругуна ылайык, шаарга кире турган жети жерге санитардык-карантиндик пост орнотулган. Бул блокпосттордо санитардык кызматкерлер дезинфекциялоо иштерин жүргүзүп, айдоочулардын дене табын өлчөп жатышат.
Кыргыз өкмөтү 22-марттан тартып өлкө аймагында бир айга өзгөчө кырдаал киргизди. Бишкекте жана Ошто кичи автобустар токтоп, троллейбустар жана чоң автобустар гана иштеп жатат.