Линктер

ЧУКУЛ КАБАР!
ишемби, 11-апрель, 2020 Бишкек убактысы 01:48

Бишкекте дезинфекциялоо үчүн карантин зонасы түзүлүп, көчөлөр жабылды


Бишкек. Дезинфекция иштери жүрүп жатат.

Бишкекте коронавируска каршы дезинфекция жүргүзүш үчүн карантин зоналары түзүлүүдө. 26-мартта бул максатта Ахунбаев, Чапаев, Жаш Гвардия, Жибек Жолу, Осмонкул, Салиева, Курманжан датка, 7-Апрель көчөлөрүнө тосмо коюлду. Бул тууралуу 26-мартта онлайн басма сөз жыйынында шаардын коменданты, ички иштер министринин орун басары Алмазбек Орозалиев билдирди.

Анын айтымында, бул зонага мамлекеттик кызматкерлер, дарыгерлер, күч түзүмдөрүнүн, банк системасынын кызматкерлери жана азык-түлүк, дары-дармек менен камсыздоочу жумушчулар гана күбөлүгүн көрсөтсө кире алат.

«Бул аймакта дезинфекция иштери жүрүп жатат. Ошондуктан карантин зонасы түзүлдү», - деди Орозалиев.

Коменданттын айтымында, жогоруда аталган көчөлөр менен чектелген аймакта дезинфекция иштери аяктагандан кийин чектөө башка көчөлөргө да коюлат.

25-марттан 15-апрелге чейин коронавируска байланыштуу Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына өзгөчө абал киргизилди.

Бул аралыкта аталган аймактарда коменданттык саат учурунда (кечки саат 8ден таңкы 7ге чейин) көчөдө адам да, автомашиналар да жүрбөшү керек. (RK)

Пикирлерди көрүңүз (2)

XS
SM
MD
LG