Линктер

ЧУКУЛ КАБАР!
1-Август, 2021 жекшемби, Бишкек убактысы 10:20

АКШ президенти экономиканы колдогон мыйзамга кол койду


Ак үйдө президент Дональд Трамп журналисттерге сүйлөп жатат, 17-март, 2020-жыл.

АКШ президенти Дональд Трамп коронавирус пандемиясына байланышкан кризистен улам улуттук экономиканы коргоо максатында бир катар чараларды көрүү жөнүндө мыйзамга кол койду.

Мунун алдында Конргесстин Өкүлдөр палатасы 2.2 триллион доллар бөлүүнү жактырган.

Мыйзам үч апта ичинде бардык америкалык салык төлөөчүлөргө түз төлөмдөрдү жасоого жол берет. 55 миллиард доллар кризистен жабыр тарткан компанияларды колдоого бөлүнөт. 290 миллиард доллар америкалык үй-бүлөлөргө бир жолку жөлөк пул катары берилет. Төрт кишиден турган үй-бүлөгө 3000 долларга чейин жетет.

Ошондой эле чакан бизнеске да 350 миллиард доллар насыя түрүндө берилет. 100 миллиард долларды АКШнын саламаттык сактоо системасы жана медициналык мекемелери алмакчы.

Бейшембиде АКШ дүйнөдө коронавирус катталган өлкөлөрдүн сап башына чыкты. Ишембинин таңындагы маалыматка ылайык, АКШда бул илдет 104 миңден ашуун кишиде табылды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG