Линктер

ЧУКУЛ КАБАР!
4-декабрь, 2020 жума, Бишкек убактысы 13:58

Пхеньян ракета учурула турган жайын сынап көрдү


Иллюстрациялык сүрөт.

Түндүк Корея көп жолу ракета учурууга ылайыкташкан «эң чоң» курулмасын ийгиликтүү сынаганын жарыялады. Мындай маалыматты Түндүк Кореянын Борбордук жаңылыктар агенттиги (KCNA) дүйшөмбү күнү өз сайтына жайгаштырды.

Коңшулаш Түштүк Кореянын армиясы билдиргендей, сыноо жекшемби күнү Түндүк Кореянын чыгышындагы Вонсан шаарындагы комплексте өткөрүлгөн. Анын алкагында курулмадан кыска аралыктагы эки баллистикалык ракета учурулган. Алар баш-аягы 410 чакырымдай учуп барып деңизге түшкөн. Рекеталар 50 чакырым бийиктикке көтөрүлгөн.

Расмий Сеул Пхеньяндын дүйнө коронавирус пандемиясы менен күрөшүп жаткан шартта аскердик техникасын сынап жатканын айыптады.

Түндүк Корея сыноолорунун көбүн жазында өткөрөт. Пхеньян март айында эле бир нече ракетасын сынаганга үлгүрдү. Расмий маалымат боюнча Түндүк Кореяда коронавирус каттала элек. Бирок адистер Ким Чен Ындын өкмөтүнүн мындай маалыматына ишеним артпай турушат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG