Линктер

ЧУКУЛ КАБАР!
5-декабрь, 2020 ишемби, Бишкек убактысы 14:52

Өкмөт: Азык-түлүк жана дары-дармек тартыш эмес


Иллюстрациялык сүрөт.

Кыргызстанда азык-түлүк жана дары-дармек жетишсиз деп тынчсызданууга негиз жок. Бул тууралуу премьер-министр Мухаммедкалый Абылгазиев билдирди.

Өкмөттүн басма сөз кызматы 31-мартта тараткан маалыматка ылайык коронавирус инфекциясынын жайылышына байланыштуу түзүлгөн кырдаалдын экономикалык жана социалдык туруктуулукка тийгизген терс таасирин төмөндөтүү боюнча бекитилген пландардын жыйынтыгы тууралуу кеңешме өттү.

Анда өкмөт башчы бүгүнкү күндөгү жагдай жылдап топтолгон маселелерди ыкчам чечүүнү талап кылып жатканын айтты. Ошону менен катар кооптонууга себеп жок экенин кошумчалады:

«Чек аралар ачык, жүк жана товар адаттагыдай тартипте ташылууда. Мамлекеттик материалдык резервдер фондунан 10 миң тонна ун бөлүнмөк болду, анын 5 миң тоннасы калктын аялуу катмарын колдоого багытталат. Жакынкы күндөрү өкмөт ишкер чөйрө жана ыктыярчылар менен бирге муктаждарга даректүү жардам берүү боюнча масштабдуу иштерди жайылта баштайт».

Коронавируска байланыштуу Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына 25-марттан 15-апрелге чейин өзгөчө абал киргизилген.

Бул аралыкта аталган аймактарда коменданттык саат учурунда (кечки саат 8ден таңкы 7ге чейин) көчөдө адам да, машине да жүрбөшү керек. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG