Линктер

ЧУКУЛ КАБАР!
29-ноябрь, 2020 жекшемби, Бишкек убактысы 10:49

«Кыргыз почтасы»: Пенсияны бул жолу өзүбүз жеткиребиз, үйдөн чыкпаңыздар


Иллюстрациялык сүрөт.

«Кыргыз почтасы» пенсионерлерди үйдөн чыкпоого чакырып, бул жолу пенсия ар биринин үйүнө жеткирилип берилерин жарыялады.

Мамлекеттик каттоо кызматынын басма сөз кызматы тараткан маалыматта республиканын бардык аймактарында почта бөлүмдөрү 9-апрелде ачылары, почточулар ошол эле күнү пенсияны тарата баштай тургандыгы белгиленди.

Мекеменин маалыматына караганда, коронавирустун жайылышын алдын алуу максатында бардык почта бөлүмдөрү жана кызматтык автоунаалар дезинфекциядан өттү. Бул үчүн 1800 атайын кийим, 10 миң беткап, 8 миң мээлей жана 920 литр антисептик сатылып алынды.

Мамкаттоонун кайрылуусунда: «Өтүнөбүз, үйдөн чыкпаңыздар! Почточулар ар бириңердин үйүңөргө барып, пенсия же жөлөкпулду жеткирип берет. Эгер зарыл болсо дем алыш күндөрү да иштешет», деп айтылат.

25-марттан 15-апрелге чейин Кыргызстанда коронавируска байланыштуу көпчүлүк аймактарда өзгөчө абал режими киргизилип, көп мекеме-ишканалар убактылуу жабылган. Адамдарга себепсиз көчөгө чыгууга, топтолууга тыюу салынган. (RK)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG