Линктер

ЧУКУЛ КАБАР!
3-декабрь, 2020 бейшемби, Бишкек убактысы 01:23

Новосибирск: Каттам күткөн кыргыз жарандары мейманканага жайгаштырылды


Иллюстрациялык сүрөт.

Орусиянын Новосибирск шаарында Кыргызстанга авиакаттам күтүп жаткан 132 кыргыз жараны ошол жактын мейманканаларына убактылуу жайгаштырылды. Бул тууралуу Коронавируска каршы республикалык штаб кабарлады.

Штабдын маалыматына караганда, «Толмачево» аэропортунан Кыргызстанга чартердик рейс уюштуруу маселеси жакын арада чечилгени жатат.

Мейманкананын акысын Миграция боюнча эл аралык уюмдун Кыргызстандагы өкүлчүлүгү төлөп берди. Ал эми Новосибирскидеги кыргыз диаспорасы тамак-аш жана транспорт жагынан колдоо көрсөттү.

Ал эми ошол эле аэропорттун транизиттик зонасында кыргызстандык дагы алты жаран 26-марттан бери чыга албай, камалып турганын "Азаттыкка" билдиришти.

31-мартта Новосибирск облусунда коронавируска байланыштуу адамдардын көчөгө чыгышына убактылуу тыюу салынган.

Бул шаардын аэропортунда Кыргызстанга кайта албай, топтолуп турган кыргызстандыктардын саны 203 киши экенин алар өзүлөрү «Азаттыкка» кабарлашкан. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG